“Thinking Humanity Walk 2” – втора “Прошетка на Хуманоста” во Скопје

 

 

 

 

 

 

 

 

На 21 март во Скопје се одржа втората „Thinking Humanity Walk” или „Прошетка на хуманоста“, повторно во организација на Меѓународното училиште НОВА и Здружението “Хуманост без граници”, во рамките на Кампањата “Мали дела на Добрина ” на Здружението  и Comunity Service Проектот на училиштетo.

 

 

Имавме задоволство по втор пат да организираме настан со кој се донесе радост на многу неознати луѓе и им се разубави саботното претпладне.

Во текот на прошетката низ Скопските улици учениците од Меѓународното уличиште Нова подарија колачиња со убави желби. подарија книги, бесплатни прегратки, поделија и залепија поезија и убави пораки… и сето тоа на случајни минувачи.

 

 

 

 

 

 

 

 

Целта беше едноставна – да направиме некого среќен. Тоа и се случи. Со „Прошетка на хуманоста“ успеавме да ги развеселиме минувачите низ улиците на град Скопје.

Големиот број изненадени и насмеани лица кои не пресретнаа ни се уште поголема мотивација и поттик и понатаму да ја шириме добрината и љубовта кон и меѓу луѓето.

 

 

 

 

 

 

Дел од книгите кои беа поделени на прошетката на хуманоста беа подарок од издавачката куќа ТОПЕР. Со нив се донесоа насмевки на многу дечиња, млади и возрасни минувачи.

Секое добро дело, колку и малечко да ни личи, за некого е бесценето. Една обична насмевка може да разубави ден, еден телефонски повик да разбие нечија осаменост, едно “Те сакам” да сруши многу sидови, малата поддршка за некого да биде потик да ги искачи највисоките планини, подадената рака… почетокна најдоброто пријателство..

Секој од нас, како алка во синџирот на Добрина, е еден носител на таа идеја. Нашето мало дело на Добрина за некого ќе биде инспирација и тој самиот да направи Добрина на некого. И така, ланецот и кругот на Добрина се шират.

Малите дела се носители на Големите промени.